ქუთაისის „ტორპედომ“ საქართველოს 21-წლამდე ნაკრების ყოფილი მცველი ანდრო გიორგაძე დაიმატა. ამის შესახებ იმერული გუნდის ვებგვერდი ოფიციალურად იტყობინება.
მან სამედიცინო შემოწმება წარმატებით გაიარა და კლუბთან კონტრაქტი გააფორმა.
გიორგაძე ბოლოს ლვოვის „კარპატში“ თამაშობდა, რომელიც თავისუფალი აგენტის სტატუსით დატოვა, მანამდე კი „ვორსკლაში“, „ზლინსა“ და მარტვილის „მერანში“ თამაშობდა.
