ფეხბურთი

17:32 | 12.08.2020 | ნანახია [] - ჯერ

ეროვნული ლიგის პირველი წრის საუკეთესო ფეხბურთელი და სიმბოლური ნაკრები

საქართველოს კრისტალბეთ ეროვნული ლიგის პირველი წრე ოფიციალურმა ვებგვერდმა შეაჯამა. დასახელდა საუკეთესო ფეხბურთელი განვლილი 9 ტურის მიხედვით და გამოვლინდა სიმბოლური ნაკრებიც.

პირველი წრის საუკეთესო ფეხბურთელი „დინამო ბათუმის“ შემტევი ჯაბა ჯიღაური გახდა, რომელმაც 9 მატჩში 5 გოლი გაიტანა და 1 საგოლე პასი შეასრულა. პირველი წრის საუკეთესო მწვრთნელად გორის "დილას" თავკაცი გიორგი ნემსაძე დასახელდა, სიმბოლური ნაკრები კი ასეთია:

მეკარე: როინ კვასხვაძე (დინამო თბილისი)

მცველები: გრიგოლ ჩაბრაძე (თელავი), მამუკა კობახიძე (დინამო ბათუმი), ბალგუ იენდენტი (დილა), დავით კობოური (დინამო თბილისი)

ნახევარმცველები: ელვინ ტერა (საბურთალო), გიორგი კუცია (დინამო თბილისი), ამოს ნონდი (დილა)

თავდამსხმელები: ჯაბა ჯიღაური (დინამო ბათუმი), მიკოლა კოვტალიუკი (დილა), ირაკლი რუხაძე (თელავი)

შეგახსენებთ, რომ ეროვნულ ლიგა პირველი წრის შემდეგ 18 ქულით „დინამო თბილისი“ ლიდერობს, თუმცა მას მხოლოდ ერთი ქულით ჩამორჩება „დინამო ბათუმი“, გორის „დილა“ და „საბურთალო“ კი ლიდერთან 2-ქულიან ჩამორჩენაში იმყოფებიან.

0.155445