ფეხბურთი

0:31 | 30.07.2020 | ნანახია [] - ჯერ

საფეხბურთო აგენტი: "კვარაცხელია 15 მილიონ ევროზე მეტი ღირს"

საფეხბურთო აგენტმა თემურ ღურწკაიამ რუსულ მედიასთან ხვიჩა კვარაცხელიას შესახებ ისაუბრა და განაცხადა, რომ მისი ფასი 15 მილიონ ევროზე მეტია. ღურწკაიას აზრით, ქართველი მიუხედავად იმისა, რომ ხვიჩა მხოლოდ 19 წლისაა, მოედანზე ყველაფერს აკეთებს.

„კიკნაძემ კვარაცხელიას შემთხვევაში შეცდომა დაუშვა. ეს არის ერთი ნაკლი და დანარჩენების ჩამოთვლას აზრი აღარ აქვს. გულშემატკივრებთან დაპირისპირება, სიომინის დათხოვნა, ვერ გაყიდა მირანჩუკი და გუნდში მოიყვანა მურილო და ჟოაო მარიო, სრული კრახი განიცადა.

კვარაცხელიამ 6 თვე ითამაშა „ლოკომოტივში“ და შემდეგ შედარებით დაბალი დონის გუნდში გადავიდა. ის ბრწყინავდა „ლოკომოტივში“, მისი მომავალი ნათელი იყო, კლუბში ყველამ თბილად მიიღო, ძმებმა მირანჩუკებმაც კი.

რატომ გაუშვეს? არ იციან მოლაპარაკება. მასში 3 მილიონი ევრო არ გადაიხადეს. ახლა რუსტემ საიმონოვს რომ დაურეკოთ და 10 მილიონი ევრო შესთავაზოთ ქართველში, უარს გეტყვით. რა თქმა უნდა, ის 10 მილიონი არ ღირს, ვფიქრობ, 15 მილიონ ევროზე მეტიც ღირს და თუ „რუბინი“ ევროთასებზე გავა, მისი ფასი გაიზრდება, რადგან ჯერ მხოლოდ 19 წლისაა! ის მოედანზე ყველაფერს აკეთებს“, - თქვა ღურწკაიამ.

შეგახსენებთ, რომ კვარაცხელიამ 2019-2020 წლების სეზონში 27 მატჩში 3 გოლი გაიტანა და 3 საგოლე პასი გააკეთა. რუსეთში ახალი სეზონი 8 აგვისტოდან დაიწყება.

0.124074