ფეხბურთი

20:08 | 15.05.2020 | ნანახია [] - ჯერ

"მინდა ტორეადორი გავხდე" - ხოაკინი საფეხბურთო მოედნიდან კორიდაზე

სევილიის „ბეტისის“ ფეხბურთელმა ხოაკინ სანჩესმა განაცხადა, რომ კარიერის დასრულების შემდეგ ტორეადორი უნდა გახდეს.

ესპანელს ეს სურვილი ბავშვობიდან აქვს და სურს ოცნება აიხდინოს.

„ბავშვობაში ყველაფერი გავაკეთე, რომ ტორეადორი გავმხდარიყავი. ელ პუერტოს ტორედოს სკოლაშიც გავიარე რეგისტრაცია და როდესაც დედაჩემმა დაინახა, რომ ამას სერიოზულად ვაპირებდი, მამაჩემს უთხრა ფეხბურთზე შევეყვანე, რადგან ძალიან ნერვიულობდა. ფეხბურთის წყალობით შევძელი მეტი მესწავლა კორიდას სამყაროზე.

ერთ დღეს, როდესაც ფეხბურთის თამაშს დავასრულებ, მინდა ეს ოცნება ავიხდინო: გავხდე ტორეადორი, თუნდაც ეს ძალიან რთული იყოს. ვისურვებდი ამ სამყაროში შესვლას, რადგან ძალიან დიდ პატივს ვცემ იქ მომუშავე პროფესიონალებს“, - თქვა ხოაკინმა.

შეგახსენებთ, რომ ესპანელი ფეხბურთელი დამდეგ ივლისში 39 წლის ხდება, ხოლო „ბეტისთან“ კონტრაქტი 2021 წლის ზაფხულამდე აკავშირებს.

0.144121