„დინამო თბილისის“ ახალწვეულმა ირაკლი ბუღრიძემ კლუბის ვებგვერდთან ისაუბრა და გუნდში მიმდინარე მოვლენები შეაფასა. ქართველი ფეხბურთელის განცხადებით, როდესაც „დინამოს“ წინადადება მიიღო ბევრი არ უფიქრია და ბედნიერია, რომ მშობლიურ გუნდში დაბრუნდა.

„ძალიან მოხარული ვარ „დინამოში“ დაბრუნებით, რადგან ბავშვობის უმეტესი წლები აქ გავატარე. როდესაც დამიკავშირდნენ, სხვა წინადადებებიც მქონდა, მაგრამ ორი აზრი არ იყო, რომ აქ დაბრუნება მინდოდა. წინ გრძელი და ძალიან საინტერესო სეზონი გველოდება.

მიმდინარეობს ორჯერადი ვარჯიშები, ვფიქობ, ყველანაირი პირობაა შექმნილი იმისთვის, რომ თავი კარგად წარმოვაჩინოთ. ბელგიაში რაღაც პერიოდი გამიცდა, მაგრამ იქაური ვარჯიშებით ფორმა შევინარჩუნო.

გუნდში ძალიან კარგი გარემოა, ეს უცხო არ ყოფილა, ძალინ თბილად მიმიღეს გუნდში. სამწვრთნელო შტაბზეც ვიტყვი, რომ მათან კარგი ურთიერთობა მაქვს, რაც ფეხბურთელისთვის ძალიან მნიშვნელოვანია.

პირველ ტესტ მატჩში დავმარცხდით, მაგრამ ამას სუბიექტური მიზეზები ჰქონდა. რამდენიმე ფეხბურთელი სინჯებზე იყო, გარდა ამისა 1 დეკემბრის შემდეგ გუნდს ნათამაშები არ ჰქონდა, ამან განაპირობა მარცხი. რა თქმა უნდა, სამწუხაროა, მაგრამ ეს შეკრება სწორედ ამას ემსახურება, რომ მოვუმატოთ, როგორც ფიზიკურად, ასევე ტექნიკურად და შეკრების დასრულების დროს საუკეთესო ფორმაში უნდა ვიყოთ“, - განაცხადა ბუღრიძემ.