სომხეთის ნაკრების მთავარმა მწვრთნელმა, არმენ გულბუდაგიანცმა თანამდებობა დატოვა - გვამცნობს სომხეთის ფეხბურთის ფედერაციის ოფიციალური ვებ-გვერდი.
„თითქმის ერთი წელიწადი ვწვრთნიდი ეროვნულ გუნდს. ამ დროის განმავლობაში სიხარულიც იყო და წყენაც. ევრო 2020-ის შესარჩევი ციკლი ჯერ არ დამთავრებულა, მაგრამ პოსტის დატოვების რთული გადაწყვეტილება მაინც მივიღე. იმიტომ, რომ სომეხი გულშემატკივრების იმედი ვერ გავამართლე - გუნდი ფინალურ ეტპზე ვერ გავიყვანე. ახლა მხოლოდ თეორიული შანსიღა დაგვჩა.
მართალია, ფედერაციის ხელმძღვანელობას ჩემთვის მიზნად ფინალურ ეტაპზე გასვლა არ დაუსახავს, მაგრამ თავად ვგრძნობ პასუხისმგებლობას.
მადლობა ყველას მხარდაჭერისთვის“ - განაცხადა გულბუდაგიანცმა.
შეგახსენებთ, რომ სომხეთის ეროვნულმა გუმდმა, J შესარჩევი ჯგუფის მე-8 ტურის შეხვედრაში, ფინეთის ნაკრებთან 0:3 წააგო და ფინალურ ეტაპზე მოხვედრის მხოლოდ თეორიული შანსი დარჩა.
