უიმბლდონის 2019 წლის ტურნირი როჯერ ფედერერისა და ნოვაკ ჯოკოვიჩის საოცარი მატჩით დასრულდა, რომელიც 5 საათის განმავლობაში გაგრძელდა. სერბმა შვეიცარიელი ხუთ სეტში დაამარცხა (7:6, 1:6, 7:6, 4:6, 13:12), ხოლო ფედერერი მატჩის შემდეგ გულდაწყვეტილი ჩანდა.

მიუხედავად ამისა, შვეიცარიელი ოპტიმისტურადაა განწყობილი და ამბობს, რომ ამით ყველაფერი არ დასრულებულა:

„დასამახსოვრებელი ფინალი? მე კი ვეცდები, რომ მალე დავივიწყო. ეს იყო შესანიშნავი თამაში, ძალიან გრძელი, მქონდა ჩემი შანსი, მაგრამ უნდა დავკმაყოფილდე ჩემი პერფორმანსით. მინდა, ჯოკოვიჩს ეს გამარჯვება მივულოცო.

ვიმედოვნებ, რომ სხვა შანსიც მომეცემა და მჯერა, რომ 37 წლის ასაკის მიუხედავად, ყველაფერი არ დასრულებულა. ახლა ფიზიკური ძალები უნდა აღვიდგინო, მეტის გაკეთება არ შემეძლო, მაგრამ ჯერ კიდევ ფეხზე ვარ. ჩემი ოჯახი ამაყობს? არ იქნებიან კმაყოფილნი“, - თქვა ნამატჩევს როჯერმა.

როჯერ ფედერერი სულ მალე (9 აგვისტოს) 38 წლის გახდება და მიუხედავად მარცხისა, ჩოგბურთის ისტორიას კიდევ ერთი დაუვიწყარი ფურცელი შემატა. ცნობისთვის, „მხიარულმა როჯერმა“ უიმბლდონზე 21-ედ იასპარეზა და მე-12 ფინალი მოიგო, საიდანაც მხოლოდ ოთხჯერ განიცადა მარცხი (ერთხელ ნადალთან, სამჯერ ჯოკოვიჩთან).

აქვე გეტყვით, რომ ეს დაპირისპირება ისტორიაში შევიდა, რადგან უიმბლდონის მატიანეში ყველაზე ხანგრძლივი ფინალი გამოდგა.