კვირას პრიმერაში ბობოლები არ თამაშობდნენ. „ბარსელონამ“ და „ატლეტიკომ“ შაბათს იასპარეზეს, შესაბამისად „უესკასთან“ (0:0) და „სელტასთან“ (2:0). „რეალი“ კი ორშაბათს ესტუმრება „ლეგანესს.“

კვირის პროგრამიდან, ალბათ, გამოსარჩევი ის არის, რომ „ხეტაფემ“ „ვალიადოლიდთან“ დაკარგა ქულები და ამისდაკვალად, „სევილია“ რვა ტურის შემდეგ, პირველად დაბრუნდა ოთხეულში, ანუ ჩემპიონთა ლიგის ზონაში.

„ვილიარეალმა“ სტუმრად ჩუკვეზეს ადრეული გოლით დაამარცხა „ჟირონა“ და გასავარდნ ზონას დაშორდა.

ბილბაოს „ატლეტიკმა“ შინ კაცნაკლულ „რაიო ვალეკანოს“ 3:2 სძლია, 46 ქულა მოაგროვა და მე-7 ადგილზე დადგა, რომელიც ევროპა ლიგის საგზურს იძლევა.

ესპანეთი

პრიმერა. 32-ე ტური. 14 აპრილი

ვალიადოლიდი - ხეტაფე 2:2

0:1 არამბარი (14), 1:1 სერხი გვარდიოლა (30), 2:1 უნალი (69, პენ), 2:2 მოლინა (90+6, პენ)

გაძევება: ოლივეირა (ხეტაფე, 62)

ბილბაო - რაიო ვალეკანო 3:2

1:0 უილიამსი (2), 1:1 მორენო (45), 2:1 უილიამსი (50), 3:1 გარსია (72), 3:2 დე ტომასი (85)

მე-18 წუთზე რაულ გარსიამ (ბილბაო) პენალტი ვერ გაიტანა

გაძევება: ადვინკულა (რაიო, 52)

სოსიედადი - ეიბარი 1:1

1:0 ხუანმი (1), 1:1 ხორდანი (85)

ჟირონა - ვილიარეალი 0:1

0:1 ჩუკვეზე (7)

ვალენსია - ლევანტე 3:1

1:0 მინა (2), 1:1 სოლერი (56, საკ. კარში), 2:1 გედეში (57), 3:1 მინა (63)