მიუნხენის „ბაიერნის“ შემტევი კინგსლი კომანი ისევ ტრავმირებულია. ფრანგმა ფეხბურთელმა „აუგსბურგთან“ შეხვედრის დასასრულს მეტოქესთან შეჯახების შემდეგ კოჭი დაიზიანა და თამაში ვეღარ გააგრძელა.
ჯერჯერობით უცნობია, დაზიანების ხარისხი, გამოკვლევა დღეს უნდა ჩაუტარეს. ნიკო კოვაჩი კი, იმედოვნებს, რომ ჩემპიონთა ლიგისთვის კომანი მზად იქნება:
„გამოკვლევა ხვალ ჩატარდება და უფრო მეტი გვეცოდინება. ვიმედოვნებ, სამშაბათისთვის მზად იქნება“, - განაცხადა კოვაჩმა.
შეგახსენებთ, კომანს ტრავმის გამო ჯერ გასული წლის მუნდიალი, ხოლო შემდეგ მიმდინარე სეზონის პირველი ნახევარი გაუცდა. „აუგსბურგთან“ მატჩში კი მოედანზე საუკეთესო გახლდათ და დუბლის შესრულება მოახერხა. "ბაიერნი" კი ჩემპიონთა ლიგაზე 19 თებერვალს, "ლივერპულს" "ენფილდ როუდზე" ესტუმრება.
