ფეხბურთი

23:40 | 21.01.2019 | ნანახია [] - ჯერ

ბოატენგი: "ბარსა", მოვდივარ!

ესპანური მედიის გავრცელებული ცნობა კევინ პრინს ბოატენგის „ბარსელონაში“ შესაძლო გადასვლის შესახებ, თავად ფეხბურთელმა დაადასტურა. მისი განცხადებით, „ბარსაში“ გადასვლა შესანიშნავი შანსია:

„ბარსა“, მოვდივარ! ვწუხვარ „სასუოლოს“ დატოვება, რომ მიწევს, მაგრამ „ბარსელონაში“ გადასვლა დიდი შანსია“, - თქვა ბოატენგმა Sky Sport-თან საუბრისას.

აღსანიშნავია, რომ 2017 წელს, განელმა განაცხადა, რომ „ბარსელონას“ „რეალი“ ურჩევნია და თუ არჩევა მოუწევდა, დაუფიქრებლად მადრიდში გადაბარგდებოდა. 31 წლის ფეხბურთელს ეს სიტყვები გაუხსენეს, რაზეც ასეთი პასუხი ჰქონდა:

„რეალის“ შესახებ არ ვისაუბრებ, ეს წარსულია. ახლა „ბარსელონაზე“ ვარ კონცენტრირებული და იმედია, „რეალს“ მომდევნო მატჩში გოლს გავუტან“, - დასძინა პრინსმა.

შეგახსენებთ, რომ ბოატენტი „ბარსელონას“ მიმდინარე სეზონის ბოლომდე იჯარით შეუერთდება, ხოლო ზაფხულში მისი გამოსყიდვა იქნება შესაძლებელი. მიმდინარე სეზონში განელმა შემტევმა „სასუოლოს“ რიგებში 15 მატჩი ჩაატარა, 5 გოლი გაიტანა და 2 საგოლე პასი მიითვალა.

0.115164