მადრიდის "რეალის"აწ უკევ ყოფილი მეკარე კიკო კასილია კარიერას "ლიდს იუნაიტედში" გააგრძელებს. როგორც ინგლისური კლუბის ოფიციალური ვებგვერდი იუწყება, ესპანელმა მეკარემ "ლიდსთან" კონტრაქტი 2023 წლის ივლისამდე გააფორმა. კასილია ინგლისურ გუნდს თავისუფალი აგენტის სტატუსით შეუერთდა.
კიკომ კარიერა "რეალის" აკადემიაში დაიწყო და სარეზერვო გუნდიდან "ესპანიოლში" 2007 წელს გადავიდა. მშობლიუ კლუბში კასილია 2015 წელს დაბრუნდა. "სამეფო კლუბის" მაისურით ესპანელმა 50 მატჩი ჩაატარა და 50 გოლი გაუშვა. მიმდინარე სეზონში კასილიას ტიბო კურტუასთან და კეილორ ნავასთან კონკურენციის პირობებში თამაში არ უწევდა.
"ლიდს იუნაიტედი" ინგლისის ჩემპიონშიფში პირველ ადგილზე 54 ქულით იმყოფება და მეორეადგილოსან "შეფილდს" ოთხი ქულით უსწრებს.
