2018 წლის მსოფლიო საჭადრაკო ოლიმპიადის საორგანიზაციო კომიტეტის ვებგვერდზე ინტერვიუ გამოქვეყნდა ანა და მარია მუზიჩუკებთან. შეგახსენებთ, რომ უკრაინელი დები ამჟამად ბათუმში იმყოფებიან და 43-ე საჭადრაკო ოლიმპიადაზე ქვეყნის ღირსებას იცავენ.

- რას ფიქრობთ ბათუმის საჭადრაკო ოლიმპიადაზე?
ანა მუზიჩუკი: ოლიმპიადებზე თამაშის საკმაოდ დიდი გამოცდილება მაქვს, 2004 წლიდან დაწყებული, რვა ოლიმპიადაზე გამოვსულვარ. ტურნირი ეხლახანს დაიწყო, ამიტომ ძნელია დასკვნების გამოტანა. წინ კიდევ ბევრი თამაშია.
მარია მუზიჩუკი: მეც არაერთ ოლიმპიადაში მიმიღია მონაწილეობა. ვფიქრობ, ბათუმი არაჩვეულებრივი საჭადრაკო ქალაქია. 4 შესაძლებლიდან 3.5 ქულა მაქვს, ჩემი შედეგით ძალიან კმაყოფილი ვარ.
- არის თუ არა თქვენს ურთიერთობაში კონკურენცია?
მარია მუზიჩუკი: დები ვართ, ამავდროულად პროფესიონალი მოჭადრაკეები. ძალიან კარგია, რომ ერთმანეთის დახმარება შეგვიძლია. ყოველთვის ერთსა და იმავე ტურნირებში მონაწილეობის მიღებას ვერ ვახერხებთ, თუმცა ვცდილობთ ერთად ვითამაშოთ, ეხლაც ერთი გუნდისთვის ვთამაშობთ და ძალიან გვიხარია, შესაძლებლობა გვაქვს მედლისთვის ერთად ვიბრძოლოთ.
ანა მუზიჩუკი: მაღალი დონის მოჭადრაკეები ვართ, რაც ძალიან იშვიათობაა და ამით ვამაყობთ. არაჩვეულებრივია გყავდეს ასეთი და, რადგან შევძლოთ ერთმანეთის დახმარება და გაუმჯობესება. როდესაც ვხედავ, რომ ჩემი და რაღაც მხრივ უკეთ ასპარეზობს, მოტივაცია მიჩნდება, რომ მეც უკეთესი გავხდე, სწორედ ასეა მარიასთვისაც.