კოლუმბიის ნაკრების მარჯვენა მცველი სანტიაგო არიასი, კარიერას “ატლეტიკოში” განაგრძობს. აღნიშნული ინფორმაცია მადრიდული გრანდის ოფიციალურმა ვებგვერდმა დაადასტურა.
26 წლის ფეხბურთელმა სამედიცინო შემოწმება წარმატებით გაიარა და “როხიბლანკოსთან” ხუთწლიანი კონტრაქტი გააფორმა. პსვ მის სანაცვლოდ 11 მილიონ ევროს მიიღებს.
არიასი პსვ-ში 2013 წელს ლისაბონის “სპორტინგიდან” გადავიდა. მან გასულ სეზონში ჰოლანდიური გრანდის მაისური 35-ჯერ მოირგო, 3 გოლი გაიტანა და 6 საგოლე გადაცემა მიითვალა.
სანტიაგომ განვლილ მუნდიალზე ოთხივე თამაშში სასტარტო შემადგენლობიდან ითამაშა. სულ კი კოლუმბიის ნაკრებში 45 შეხვედრა აქვს ჩატარებული.
