ეროვნული საკალათბურთო ასოციაციის დასავლეთ კონფერენციის ფინალში ანგარიში გათანაბრდა. “ჰიუსტონ როკეტსმა” “გოლდენ სტეიტ უორიორზს” მშობლიურ “ტოიოტა ცენტრიდან” მეორე გამარჯვება არ გაატანა.

“როკეტსი” მთელი თამაში სჯაბნიდა მეტოქეს და ოთხივე პერიოდი რომ მოუგო, ეს შემთხვევითობა არ ყოფილა. სხვაობაც სოლიდური გამოვიდა – 127:105. მაიკ დ’ანტონის გუნდმა მეტოქე გუნდური კალათბურთის ხარჯზე დაამარცხა. ჯეიმს ჰარდენმა, პი ჯეი ტაკერმა, ერიკ გორდონმა და ტრევორ არიზამ “მეომრებს” ჯამში 95 ქულა ჩაუგდეს.

ჰარდენმა 27 ქულა, 10 მოხსნა, გორდონმა 27 ქულა, 3 მოხსნა, 2 პასი, ტაკერმა 22 ქულა, 7 მოხსნა, 4 პასი, არიზამ 19 ქულა, 6 პასი, 4 მოხსნა, ხოლო კრის პოლმა 16 ქულა, 6 პასი და 4 მოხსნა შესძინეს გუნდს.

მაშინ, როდესაც “გოლდენ სტეიტის” რიგებში კევინ დურანტი 38 ქულით გამოირჩა და მატჩის საუკეთესო კალათბურთელი გახდა. თუმცა, თანაგუნდელბემა მას მხარი ვერ აუბეს. სტეფ კარიმ მხოლოდ 16 ქულა მოუტანა “უორიორზს”, ხოლო კლეი ტომპსონმა 8 ქულით დაასრულა შეხვედრა.

რაც შეეხება ზაზა ფაჩულიას – ქართველ ცენტრს ამჯერად მიეცა მოედანზე გასვლის საშუალება: 5:18 წუთში ჩვენებურმა 5 ქულა, 1 მოხსნა და 1 დაფარება გაახერხა.

სერიაში ანგარიში გათანაბრდა – 1:1. მომდევნო მატჩი ოკლენდში 21 მაისს გაიმართება.

“ჰიუსტონ როკეტსი” – “გოლდენ სტეიტ უორიორზი” 127:105 (26:21, 38:29, 31:29, 32:26) VIDEO