“მანჩესტერ იუნაიტედის” შემადგენლობა ზაფხულის სატრანსფერო პერიოდში გადახალისდება. მიზეზი მარტივია – “წითელმა ეშმაკებმა” წარუმატებელი სეზონი ჩატაარეს, რომელიც მათთვის უტიტულოდ სრულდება.
ბრიტანული მედიის ინფორმაციით, ჟოზე მოურინიომ უკვე შეადგინა ე.წ შავი სია, რომელშიც ის ფეხბურთელები შედიან, რომლებიც “ოლდ ტრაფორდს” ზაფხულში დატოვებენ:
პოლ პოგბა, დელეი ბლინდი, ანტონი, მარსიალი, მატეო დარმიანი, მარუან ფელაინი, ანდერ ერერა.
ცოტა ხნის წინ, ინგლისურმა მედიამ გაავრცელა ცნობა, რომ მინო რაიოლამ უკვე დაიწყო ოფიციალურად მოლაპარაკებების წარმოება პსჟ-სთან პოგბას ტრანსფერის თაობაზე. იტალიური მედია კი, დარწმუნებით იტყობინება, რომ მატეო დარმიანი სამშობლოში დაბრუნდება და კარიერას ტურინის “იუვენტუსში” გააგრძელებს.
შეგახსენებთ, მიმდინარე სეზონში “მანჩესტერი” ინგლისის ლიგის თასს ნაადრვევად დაემშვიდობა, ჩემპიონთა ლიგაზე მხოლოდ მერვედფინალს უწია, ხოლო პრემიერლიგაში ოდენ მეორე პიზიციისთვის იბრძვის.
