მახაჩყალის “ანჟის” მეკარე გიორგი ლორია რუსეთის პრემიერლიგის 26-ე ტურის სიმბოლურ ნაკრებში მოხვდა. ქართველი ფეხბურთელის თამაში Championat-მა გამოარჩია.

“დამარცხებული გუნდის მეკარე ტურის სიმბოლურში – მისი სეივების გარეშე დიდი შანსი იყო, რომ “ანჟის” დიდი სხვაობით წაეგო. სანქტ-პეტერბურგში “ანჟი” ძალიან ცუდად თამაშობდა და გიორგი ლორიას გარეშე უფრო გაუჭირდებოდა. ქართველმა 4 სეივი შეასრულა. ბრანისლავ ივანოვიჩს აუღო, ხოლო შემდეგ სმოლნიკოვის სახიფათო დარტყმასაც გაუმკლავდა”, - წერს გამოცემა.

გასულ ტურში “ანჟი” “ზენიტთან” 0:1 დამარცხდა. ლორიას კარში ერთადერთი გოლი სებასტიან დრიუსიმ პირველი ტაიმის ბოლოს გაიტანა.