ინგლისის ჩემპიონ ლონდონის “ჩელსის” ნგოლო კანტე დაუბრუნდა. აღნიშნული ინფორმაცია “არისტოკრატების” მთავარმა მწვრთნელმა ანტონიო კონტემ დაადასტურა.
“ჩვენ უნდა მოვძებნოთ კანტეს დაბრუნების შესაბამისი მომენტი. ის გამოჯანმრთელდა და მზადაა ითამაშოს”, - განაცხადა კონტემ.
ნგოლო კანტემ ტრავმა საფრანგეთისა და ბულგარეთის ნაკრებთა მატჩის დროს მიიღო და სამი კვირის განმავლობაში მოუწია უქმობა.
მიმდინარე სეზონში 26 წლის ნახევარმცველმა ყველა ტურნირის ჩათვლით 10-ჯერ ითამაშა და 1 გოლი გაიტანა.
