პორტუგალიის ნაკრების ექსფეხბურთელი ბრუნუ ალვეში კარიერას “გლაზგო რეინჯერსში” გააგრძელებს. ამის შესახებ შოტლანდიური გუნდის ვებგვერდი ოფიციალურად იტყობინება.

ბრუნუ ალვეში “აიბროქსზე” მომდევნო ორი წლის განმავლობაში დარჩება. 35 წლის ფეხბურთელმა 2016/2017 წლების სეზონი “კალიარიში” გაატარა და იტალიის ჩემპიონატში 36 მატჩიც ჩაატარა.

ალვეში 2016 წელს პორტუგალიის ნაკრების შემადგენლობაში ევროპის ჩემპიონი გახდა. სხვადასხვა დროს კი, “პორტუში”, “ზენიტსა” და “ფენერბახჩეში” უთამაშია.