"მანჩესტერ სიტის" და გერმანიის ეროვნული ნაკრების ნახევარმცველი ლეროი სანე რუსეთში გასამართ კონფედერაციათა თასზე მონაწილეობას ვერ მიიღებს. ფეხბურთელმა ცხვირის ოპერაცია უნდა გაიკეთოს.
"რუსეთში წასვლა მინდოდა, თუმცა სამედიცინო შტაბთან კონსულტაციის შემდეგ გადავწყვიტე ოპერაცია გავიკეთო, რათა მომავალი სეზონისთვის მწყობრში ვიყო." - ციტირებს სანეს სიტყვებს გერმანიის ფეხბურთის ფედერაციის ოფიცილური ვებგვერდი.
ბუნდესნაკრების თავკაცმა იოახიმ ლიოვმა განაცხადში არ შეიყვანა ისეთი ფეხბურთელები, როგორებიც არიან მესუთ იოზილი, თომას მიულერი და ჟერომ ბოატენგი. სანე გაფართოებულ შემადგენლობაში ფიგურირებდა, თუმცა ახლა ლიოვს მისი შემცვლელი მოძებნა მოუწევს.
სანემ 2016/17 წლების სეზონში "მანჩესტერ სიტის" შემადგენლობაში 37 თამაში ჩაატარა, გაიტანა 9 გოლი და 8 საგოლე გადაცემა შეასრულა.
