გამოცდილი ებრაელი სპეციალისტი ავრაამ გრანტი განას ეროვნულ ნაკრებს აღარ გაწვრთნის. 62 წლის სპეციალისტმა დაკავებული თანამდებოდიდან გადადგომის შესახებ გადაწყვეტილება თავად მიიღო.
აღნიშნულის მიზეზი კი, აფრიკის ეროვნებათა თასზე განელთა წარუმატებელი გამოსვლა გახლდათ – “აფრიკელი ბრაზილიელები” ნახევარფინალში გავიდნენ, თუმცა ფინალში თამაშის უფლება ვეღარ მოიპოვეს.
ავრაამ გრანტი განას ნაკრებს 2014 წლიდან მოყოლებული ხელმძღვანელობდა. მანამდე კი, “პარტიზანის”, “ვესტ ჰემის”, “პორტსმუთის”, “ჩელსის”, ისრაელის ნაკრებისა და ებრაული გუნდების გაწვრთნაც მოასწრო.
