გიორგი ჭანტურიას "დუისბურგმა" მეორე ბუნდესლიგის მატჩში 2:1 მოუგო "უნიონ ბერლინს" და მართალია, ბოლო ადგილზე რჩება, მაგრამ ადგილის შენარჩუნების მცირე შანსი მაინც აქვს. ჭანტურიამ შეუცვლელად ითამაშა და ერთ საგოლე შეტევაში მიიღო მონაწილეობა, რითაც "დუისბურგმა" ანგარიში გაათანაბრა. გიორგიმ ბოლოს გაფრთხილებაც მიიღო.
ბევრი რამ არის დამოკიდებული სეზონის დარჩენილ შეხვედრებზე. ჭანტურია გერმანიის ბუნდესლიგის კლუბებს ("ვერდერი", "აუგსბურგი", "კიოლნი") და ინგლისის პრემიერლიგელ "კრისტალ პალასს" სურთ.
გერმანიის მესამე ლიგაში "ვერდერის" 23-წლამდელებმა შინ 0:1 წააგეს "ერფურტთან", გიორგი პაპუნაშვილი კი ტრავმის გამო ვერ მოხვდა განაცხადში. მან წინა ტურიც გამოტოვა ამავე მიზეზით.
უკრაინის პრემიერლიგაში დავით თარგამაძის "ოლექსანდრია" 0:0-ზე გაეყარა დონეცკის "ოლიმპიკს" და მეექვსე ადგილზეა. თარგამაძემ სრულად ითამაშა. "ოლიმპიკში" უკრაინის მოქალაქე ორი ქართველი გაისარჯა: მეკარე ზაურ მახარაძე და მცველი თემურ ფარცვანია.
