ჰოლანდიური “ტვენტეს” კაპიტანს ჰაკიმ ზიეჰს ჰოლანდიის ჩემპიონატის მე-10 ტურში პსვ-ს კარში გატანილი გოლის აღნიშვნა კინაღამ მძიმე ტრავმად დაუჯდა.
22 წლის ფეხბურთელმა შეხვედრის 58-ე წუთზე ანგარიში გაათანაბრა (1:1) და გოლის აღსანიშნავად გულშემატკივრებისკენ გაიქცა, მაგრამ სარეკლამო ბანერზე გადახტომისას ფეხი წამოსდო და თავით დაეცა. საბედნიეროდ, ზიეჰი ტრავმას გადაურჩა და მატჩის ბოლომდე ჩატარება შეძლო. თუმცა, მისი გუნდი საბოლოოდ 1:3 დამარცხდა.
