როგორც Sky sports იუწყება, რაჰიმ სტერლინგმა “მანჩესტერ სიტიში” სამედიცინო შემოწმება წარმატებით გაიარა. “ლივერპულიდან” “ქალაქელთა” რიგებში გადასული მოთამაშის სატრანსფერო თანხა 49 მილიონ სტერლინგს შეადგენს.
ამ მომენტისთვის “მანჩესტერ სიტისა” და 20 წლის ფეხბურთელს შორის კონტრაქტის ფორმალური საკითხები გვარდება.
სტერლინგი ქპრ-ს საფეხბურთო სკოლის აღზრდილია. 2010 წელს “ლივერპულის” სარეზერვო გუნდში მიიწვიეს, 2012 წლიდან კი ძირითადი გუნდის წევრია.
ინგლისის ეროვნული ნაკრების ფეხბურთელი 2010 წელს თბილისში ინგლისის 17-წლამდე გუნდთან ერთად იმყოფებოდა. “დინამო არენაზე” გამართული მატჩი მასპინძლების წინააღმდეგ ფრედ 1:1 დასრულდა. ინგლისელთაგან გამორჩეული იყო სტერლინგი, ქართველთაგან კი გოლი ბაჩანა არაბულმა გაიტანა.
