ლონდონის "ჩელსის" პორტუგალიელმა მთავარმა მწვრთნელმა ჟოზე მოურინიომ "ლივერპულთან" მატჩისწინა პრესკონფერენციაზე ჟურნალისტებთან ისაუბრა. "განსაკუთრებულის" თქმით, მას ახალი კონტრაქტი არ მოუთხოვია და გუნდში მხოლოდ იმ შემთხვევაში დარჩება, თუ ამის სურვილი "არისტოკრატების" ხელმძღვანელობასაც ექნება.
"მშვიდად ვარ, ახალი კონტრაქტი არ მომითხოვია. თუ პრეზიდენტს ენდომება იმ შემთხვევაში დავრჩები. ახლა კი მხოლოდ ტიტულების მოგებაზე ვფიქრობ.
მინდა, რომ დარჩენილი სამივე თამაში მოვიგოთ, ეს არ გვჭირდება, მაგრამ ქულების დაგროვება მსურს.
ჯერარდი? - ძალიან სამწუხაროა, რომ მის წინააღმდეგ ბოლოჯერ ვითამაშებთ", - განაცხადა მოურინიომ.
ლონდონის "ჩელსის" ინგლისის ჩემპიონის ტიტული გათამაშების დამთავრებამდე სამი ტურით ადრე უკვე მოპოვებული აქვს. ცოტა ხნის წინ კი გავრცელდა ინფორმაცია, რომლის თანახმადაც "ჩელსი" მოურინიოს ახალ კონტრაქტს 2019 წლამდე სთავაზობდა და სეზონში 14 მილიონ ევროს ჰპირდებოდა.
