სასიამოვნო ცნობა: როგორც იქნა, 19 წლის ქართველი ნახევარმცველი ლევან ყენია გუნდთან ერთად ვარჯიშს შეუდგა. მართალია, ლევანი ჯერ “შალკე II”-ში (სარეზერვო გუნდი) ემზადება, მაგრამ მთავარი ისაა, რომ უკვე სრულ დატვირთვებს იღებს – ეს თავად აცნობა “მსოფლიო სპორტს”.
“როდის შევძლებ თამაშს ან როდის გადავალ მთავარ გუნდში, ჯერ არ ვიცი. მთავარია, დატვირთვებით ვვარჯიშობ. ფეხის ჩადგმისას ტკივილი ცოტა მაწუხებს, მაგრამ იმედია, მალე გაივლის” – გვითხრა ლევანმა.
შეხსენებისთვის, ყენიას უკვე 8 თვეზე მეტია, არ უთამაშია. კოჭის ოპერაცია პირველად დეკემბერში, მეორედ კი წლეულს მაისში დასჭირდა. და თავად ლევანის თქმით, ორივე ოპერაცია ცუდად გაუკეთეს, რის გამოც ზაფხულიდან სხვა ექიმთან მოუწია მკურნალობა.

ილია ნანობაშვილი