დღეს, ტურნირი დაასრულეს წყვილთა შორის მოასპარეზე ჩოგბურთელებმა, ხოლო ერთეულთა შორის მოასპარეზე სპორტსმენთა ფინალური შეხვედრები ხვალ ჩატარდება (დასაწყისი 11:00 საათზე).

შედარებით დაძაბული, ნიკოლოზ დავლიანიძე (საქართველო) - ბატრაზ ჩიბიროვისა (რუსეთი) და პაველ შუმეიკო (უკრაინა) - ომერ ტარმანის (თურქეთი) ინტერნაციონალურ წყვილთა შეხვედრა გამოდგა. დავლიანიძე-ჩიბიროვის წყვილმა 6:4, 6:3 შეძლო მეტოქის დამარცხება და მთავარი პრიზის მფლობელი გახდა.

შედარებით იოლ წარმატებას მიაღწიეს ესტონელმა გოგონებმა – მაილეენ ნუუდი - ჰეილა ლინდა სეჰმანის წყვილმა, ფიდანა ხალილზადე (აზერბაიჯანი) - ალინა მაზეროვას (რუსეთი) ინტერნაციონალურ წყვილს 6:0, 6:4 მოუგო.

ერთეულ ვაჟთა ფინალში, ზურა ტყემალაძე (საქართველო) პაველ შუმეიკოს შეხვდება, ხოლო გოგონათა შორის, დარია აფანასიევა (რუსეთი) თანამემამულე ვალერია კამენსკავას დაუპირისპირდება.

 

როლანდ ლაბუჩიძე