ინტერვიუები

22:37 | 11.10.2012 | ნანახია 3177 - ჯერ

თემურ ჩხაიძე: “მთავარია პროფესიონალიზმი და ნება”

საქართველოს ახალ პარლამენტში, ლანჩხუთის რაიონს მაჟორიტარი დეპუტატი თემურ ჩხაიძე წარმოადგენს. შესაძლოა, მკითხველთა გარკვეულმა ნაწილმა არ იცის, რომ ბატონი თემური, ლანჩხუთის “გურიას” ვეტერანი ფეხბურთელი, წლების მანძილზე გუნდის კაპიტანი და მოსახლეობის გამოკითხვით, გურიის რეგიონის საუკეთესო ფეხბურთელია.
- ბატონო თემურ, როგორც წესი, პარლამენტში ყველა დეპუტატი იმ სფეროში მოღვაწეობს, რომელიც მისთვის ახლობელია. ალბათ, თქვენ სპორტის საკითხებზე იმუშავებთ?
- რა თქმა უნდა, კაცმა ის უნდა აკეთოს, რაც სხვაზე უკეთ იცის და რაშიც კომპეტენტურია. ბუნებრივია, მეც, ჩემს ძირითად მოვალეობებთან ერთად, ვეცდები სპორტის პრობლემებზეც ვიმუშავო.
- ქართულ ფეხბურთში ლეგენდებია ლანჩხუთის “გურიას” მეგობრულ კოლექტივზე და რა დასამალია, ხშირად, პირადად თქვენ და გიგლა იმნაძეს მიაწერენ გუნდში ასეთი ატმოსფერო რომ სუფევდა.
- მეც და გიგლა იმნაძეც, უბრალოდ, ვაგრძელებდით ჩვენს წინა თაობებისგან გადმოცემულს. სწორედ მათგან ვისწავლეთ, რომ ფეხბურთი ფეხბურთია და პირველ რიგში, კაცი უნდა იყო.
- ლანჩხუთის “გურიამ”, 1990 წელს, ქართული ფეხბურთის დამოუკიდებლობისთვის ბრძოლაში, შეიძლება ითქვას, გადამწყვეტი სიტყვა თქვა. თქვენ მაშინ გუნდში თამაშობდით?
- მაშინ აღარ ვთამაშობდი, გუნდის უფროსი ვიყავი და 1990 წლის 15 თებერვალს, თბილისის ჭადრაკის სასახლეში, ქართული ფეხბურთის დამოუკიდებელი ფედერაციის დაფუძნებაში მივიღე მონაწილეობა. საკმაოდ დიდი ხნის ამბავზე ვლაპარაკობთ და იმ სიტუაციას გავიხსენებ. 1989 წელს, საკავშირო პირველ ლიგაში, მოსკოველ არმიელებთან ერთად, ჩვენც მოვიპოვეთ უმაღლეს ლიგაში თამაშის უფლება. თითქოს, ყველაზე მეტად, “გურია” უნდა ჩაბღაუჭებოდა საკავშირო პირველობას, მაგრამ ბევრისთვის მოულოდნელად, სწორედ “გურიამ” გააკეთა ეროვნული ჩემპიონატის მხარდამჭერი განცხადება. მაშინდელი “გურიას” შემადგენლობის წამყვანმა ფეხბურთელებმა: დავით უგრელიძემ, მერაბ თევზაძემ, გოჩა ტყებუჩავამ, ბესიკ ფრიდონაშვილმა, მამუკა აბუსერიძემ, ნუგზარ მიქაბერიძემ, მერაბ კაციტაძემ, ლევან ბარათაშვილმა, ზაზა ბაკურაძემ, თემურ კაბისაშვილმა და დავით ცომაიამ განაცხადეს, რომ ქართული ფეხბურთის დამოუკიდებლობის და ეროვნული ჩემპონატის ჩატარების იდეას უჭერდნენ მხარს. წინააღმდეგ შემთხვევაში, ფეხბურთის თამაშს ანებებდნენ თავს. აღსანიშნავია, რომ “გურიას” წინა თაობის ფეხბურთელები, გია გილიგაშვილი და მურმან აკოფიანი, ჩემთან ერთად ჭადრაკის სასახლეში იბრძონდნენ ჩვენი ფეხბურთის დამოუკიდებლობისთვის. შესაძლოა, ბევრმა არ იცოდეს, რომ ახლაც, ბატონი ბიძინა ივანიშვილის მხარდამჭერი განცხადება, ერთ-ერთმა პირველმა, სწორედ “გურიას” ვეტერანმა ფეხბურთელებმა გავაკეთეთ და ჩავებით საკმაოდ სარისკო ბრძოლაში. ჩემი მეგობრები და თანაგუნდელები, ვეტერანი ფეხბურთელები დავით უგრელიძე, მერაბ თევზაძე და გია გილიგაშვილი, ერთი წუთით არ მომცილებიან და მთელი საარჩევნო ბრძოლა ერთად გადავიტანეთ. ამ შემადგენლობით, ჩვენ სამტრედიაში ჩავედით რამდენჯერმე კახი კალაძის მხარდასაჭერად. ისიც უნდა ითქვას, რომ კალაძეც ასევე რამდენჯერმე ჩამოვიდა ლანჩხუთში და გვერდში დაგვიდგა.
- საკმაოდ საინტერესო იყო ისტორიაც და დღევანდელი პოლიტიკური ბრძოლის პერიპეტიების აღწერაც. მაგრამ თქვენგან, მაინც ფეხბურთზე ველოდებით დასკვნას. როგორ შეაფასებდით ჩვენი ფეხბურთის დღევანდელ მდგომარეობას?
 - რა თქმა უნდა, ქვეყანას, რომელსაც პაიჭაძე, ღოღობერიძე, მესხი, მეტრეველი, ხურცილავა, ჩივაძე, ყიფიანი და ქინქლაძე ჰყავდა, ამჟამად არსებული შედეგებით ვერ დაკმაყოფილდება, მაგრამ ღრმად ვარ დარწმუნებული, თუ ჩვენს ფეხბურთში არსებულ პრობლემებს გადავჭრით, წარმატება მოვა. მე მჯერა ჩვენი პოტენციალის, საჭიროა პროფესიონალიზმი, წარმატებული ქვეყნების გამოცდილების გაზიარება და რაც მთავარია, ნება.

 

ნოდარ ტარუღიშვილი
 

Loading...

კომენტარები (15)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
19:59 | 13.10.2012
yorani (75)

ბატონო თემურ! გილოცავთ ხალხის ამ დიდ ნდობას,რომელსაც იმედია გაამართლებთ. ეს ნდობა თქვენ დაიმსახურეთ თქვენი პატიოსანი შრომით, თქვენი წესიერებით, თქვენი სიკეთით და რაცმთავარია თქვენი უბრალოებით დაკარგი ადამიანობით. თქვენ კარგად იცით დღევანდელი საფეხბურთო სამყაროს ავ-კარგი. სწორედ თქვენნაირი ხალხი თუ შესძლებს სწორი მიმართულება მისცეს ნიჭიერ ახალ თაობას, რომლებიც მრავლათაა დგეს საქართველოში, მაგრამ ყურადღებას არავინ აქცევს, უპატრონობის გამო. ბევრმა მათგანმა თავი მიანება ფეხბურთს, ზოგიც აპირებს. ხალხს იმედი გაუჩნდა, რომ სამართალი იზეიმებს, ამის გარანტი ხართ თქვენ და თქვენნაირები, რომლებიც ბევრი ხართ ახალ მთავრობაში. მადლობას გიხდით ყველა თქვენი აღზრდილი ფეხბურთელი. სულ გამარჯვებით გევლოთ!!!

15:41 | 12.10.2012
davit-tg (736)

არ შემიძლია კომენტარი არ გავაკეთო.ლანჩხუთში რომ ფეხბურთი უყვარდათ ასეთი სიყვარული,იშვიათია,შეიძლება კიდევ საღაცა არსებობდეს.ეხლა ზოგიერთს უნდა წარმოადგინოს თითქოს ეს ძალდატანებით იყო და ერთი კაცის ახირება,მაგრამ ეს ასე არ არი ხალხისთვის ეს იყო ზეიმი,მე მახსოვს მაშინ მოზარდი ვიყავი ის გაუთავებელი ხალხის და მანქანების ნაკადი სტადიონისკენ რომ მიემართებოდა,პატარა ლანჩხუთისთვის,ეს წარმოუდგენელი რამ იყო.ცხონებულმა ევგრაფი შევარდნაძემ დიდი წვლილი შეიტანა ამ საქმეში,მაგრამ რაიონის მაცხოვრებლების მზაობა რომ არა, ალბათ ასეთი ეფექტი არ ექნებოდა ყველაფერ ამას,მაშინ ჩვენ შეუძლებელი შევძელით,ეს ყოველგვარი გადამეტების გარეშე.ის მუხტი კიდე არის ლანჩხუთლებში ცოცხალი,ამის მომსწრეები ბევრნი კიდევ ვართ ცოცხლები,ამიტომ თუ იქნება სწორი მიდგომა მალე იხილავს ლანჩხუთლები გურიის სტადიონზე ევროპულ გუნდებს.რაც შეეხება თემურ ჩხაიძეს,მე ის ვიცი როგორც ფეხბურთელი,უნდა ვთქვა რომ მე მეტი არასდროს მინახია ბურთის ფლობის დროს ან ტარების დროს მსგავსი მოძრაობა,ის თითქოსდა რამოდენიმე სანტიმეტრით გაზონს არ ეხებოდა,ასეთი შთაბეჭდილება გრჩებოდა,ბურთს როცა ღებულობდა,არ,ვიცი როგორ ვთქვა მაგრამ აი ახალშობილს რო მამას მიაწვდიან ხელში და როგორ მოწიწებით აიყვანს ბავშს აი ასე ღებულობდა ბურთს თემურ ჩხაიძე,თითქოს და ბურთს რაიმე არ ვატკინოო,ერთი სიტყვით ხელოვნების დონეზე ქონდა ეს ყველაფერი აყვანილი მას.მე მადლობელი ვარ რომ ჩემს ბავშვობაში ყველაფერი ამის მომსწრე ვარ ისევე როგორც გურიის წარმატების.გამარჯვებას ვუსურვებ ლანჩხუთლებს და გურიას,ასევე თქვენც ბატონო თემურ

14:36 | 12.10.2012
winrar (3189)

murmanimurmani ჩიბათში ბაზა იყო რამე?

10:29 | 12.10.2012
torres9 (El niño) (20977)

Imedia gveshveleba

09:31 | 12.10.2012
zesta_fani (1290)

Vinmem dinamosa da zestafonis urtiert shexvedrebis statika daweros.memgoni chven vjobt dinamos.ase rom dinamo gvifrtxildes.

09:29 | 12.10.2012
zesta_fani (1290)

Mxolod eqvsi qula aris sxvaoba da aqedan erti dinamostan gvaq satamashebeli ase rom jer araferi ar aris damtavrebuli.sachempiono maratonshi chvenc chavebit ukve.

09:26 | 12.10.2012
zesta_fani (1290)

Zestafoni mainc yvelaze magaria.win zesta.

09:24 | 12.10.2012
zesta_fani (1290)

Samtredia da guria albat konkurent unariani gundi gaxdeba da sistematurad itamasheben umaglesshi.memgonia amis shemdeg ufro saintereso chempionati gveqneba.

09:24 | 12.10.2012
zesta_fani (1290)

Samtredia da guria albat konkurent unariani gundi gaxdeba da sistematurad itamasheben umaglesshi.memgonia amis shemdeg ufro saintereso chempionati gveqneba.

08:57 | 12.10.2012
fero (15151)

Rac sasiketod waadgeba upirvelesa lanchxuts. da mere mtel qartul fexburts. radgan grigoletis agdenas tavistavad moyveba chibatis bazis agdgena da yvelaim patara safexburto centris agdgena romelic zrunavda chven fexburtze.

08:35 | 12.10.2012
fero (15151)

Baton temurisadm, rogorc deputatisami chemi umorchilesi txovna gulshematkivarta saxelit is ikneba rom imushavot rata parlamentma miigos is satanado shegavatiani kanonebi. romelic fexburtis dasafinanseblad stimuli ikneba. garda amisa ikneb moidziot investori vinc upatronebs grigoletis unikalur bazas upatronebs. ketil moawyobs da im gundta bevri nawili vinc antaliashi midis mand chamova da adgilze datovebs finansebs.

08:17 | 12.10.2012
shota_gorgodze (1305)

წარმატებებს გისურვებთ ბახვაევიჩ მალე ეშველება ლანჩხუთის გურიას და ლანჩხუთელ ნორჩ ფეხბურთელებს

00:45 | 12.10.2012
leon20 (193)

დაადგება გურიას საშველი და სახიდებელი ! ! ! დ; დ; დ; გურიას და ბავარიის სუპერ ფინალიიიი დ;

23:16 | 11.10.2012
ioskebi (533)

კაი გუნდი იყო გურია

23:05 | 11.10.2012
torres9 (El niño) (20977)

Guria...Guria...Guria:-)

სარეკლამო ადგილი - 20
250 x 188
სარეკლამო ადგილი - 22
250 x 250
0.108429