ინგლისურ პრესაში გავრცელებული ინფორმაციის თანახმად, უახალოეს ზაფხულში, “მანჩესტერ სიტის” არაერთი ფეხბურთელი დატოვებს.
Manchester Evening News-ის მიერ გავრცელებული ინფორმაციის თანახმად, “ქალაქელებს” აუცილებლად დატოვებენ უეინ ბრიჯი და როკე სანტა კრუსი, რომლებიც არენდის წესით “ბრაიტონსა” და “მალაგაში” თამაშობენ. მათ გზას ადგას კოტ დ’ივუარელი ცენტრალური მცველი კოლო ტურეც.
დიდი ალბათობით, რობერტო მანჩინი მაიკონს, სამირ ნასრის, ედინ ჯეკოს, სკოტ სინკლერს, ჯონ გვიდეტისა და ჯოლეონ ლესკოტს შეელევა.
