ქართველმა ჩოგბურთელმა სოფო შაფათავამ სტამბულის საერთაშორისო ტურნირის (საპრიზო ფონდი 25 ათასი დოლარი) საწყის რაუნდში პირველ ნომრად განთესილი უკრაინელი იულია ბეიგელციმერი დაამარცხა, მერვედფინალში კი უზბეკ ნაგინა აბდურაიმოვასთან 7:6 (7:3), 4:6, 1:6 წააგო.
წყვილთა ტურნირის მეოთხედფინალში შაფათავა და მაკა ჩახნაშვილი მე-2 განთესვის მქონე იტალიელ ანასტასია გრიმალსკას და რუს ევგენია პაშკოვას დაუპირისპირდნენ და მარცხი განიცადეს – 6:3, 3:6, 8:10.