სერბეთში მიმდინარე სახელბურთო მსოფლიოს ჩემპიონატზე ყველა მეოთხედფინალური წყვილი გამოვლინდა: ნორვეგია – სერბეთი, ბრაზილია – უნგრეთი, გერმანია – დანია და საფრანგეთი – პოლონეთი.

ორშაბათს 4 მერვედფინალი გაიმართა. უნგრეთმა 28:21 მოუგო ესპანეთს. წარმატებული სერია გააგრძელეს ჯგუფური ტურნირის გამარჯვებულმა გუნდებმა. მეექვსე გამარჯვებები მოიპოვეს მსოფლიო ჩემპიონმა ნორვეგიამ (ჩეხეთთან – 31:21) და მომავალი ოლიმპიადის მასპინძელმა ბრაზილიამ (ჰოლანდიასთან – 29:23).

ბელგრადში, “კომბანკ” არენას 25-ათასიან დარბაზში სერბეთმა კორეას უმასპინძლა. სერბები მატჩის დასრულებამდე 10 წუთით ადრე ხუთი ბურთით იგებდნენ, მაგრამ “ჩამოეძინათ” და 56-ე წუთზე ანგარიში გათანაბრდა – 25:25.

ამის შემდეგ, სერბეთი ორჯერ კიდევ გავიდა წინ და კორეამ ორჯერვე გაათანაბრა. ბოლოს, დასრულებამდე 12 წამით ადრე რიუმ ანგარიში 27:27 გახადა მაშინ, როცა კორეა რიცხვნაკლული თამაშობდა. დამატებითი დრო თითქოს გარდაუვალი იყო, მაგრამ ზედ ბოლო წამზე, ელენა ერიჩმა თავისი ერთდერთი, მაგრამ გადამწყვეტი გოლი გაიტანა ამ თამაშში – 28:27.

სანუგეშო ტურნირი, ე.წ. “პრეზიდენტის თასი” მოიგო ტუნისმა, ვინც მე-17 ადგილისთვის მატჩში ჩინეთი 28:23 დაამარცხა. 18 დეკემბერს მეოთხედფინალების დღეა.

ქალთა მსოფლიო ჩემპიონატი სერბეთში

16 დეკემბერი, მერვედფინალი

უნგრეთი – ესპანეთი 28:21

გორბიჟი 6, ზაჩიკი 5, ბოგნარი 4 – ლოპესი 7, კაბრალი 4, აგილარი 4

ბრაზილია – ჰოლანდია 29:23

როდრიგესი 7, ამორიმი 6, ნასიმენტო 6 – აბინგჰი 7, კროოტი 6, ლუსიანო 4

ნორვეგია – ჩეხეთი 31:21

მორკი 5, ლოკე 5, სოლბერგი (მეკ, 13/25) – ლუზუმოვა 6, ჰრბკოვა 4

სერბეთი – ს.კორეა 28:27

ლეკიჩი 8, პოპოვიჩი 6, დამნიანოვიჩი 6 – იუნი 8, ვოო 6, რიუ 4, ჩოი 4

მეოთხედფინალი, 18 დეკემბერი

20:30 ბრაზილია – უნგრეთი

20:30 საფრანგეთი – პოლონეთი

23:15 გერმანია – დანია

23:15 ნორვეგია – სერბეთი

პრეზიდენტის თასი

მატჩი მე-17 ადგილისთვის

ტუნისი – ჩინეთი 28:23

მე-19 ადგილისთვის

არგენტინა – დრ კონგო 31:19

21-ე ადგილისთვის

პარაგვაი – ალჟირი 29:19

23-ე ადგილისთვის

დომინიკელთა რესპუბლიკა – ავსტრალია 27:26

www.geohandball.ge