ქართველმა მოჭადრაკე თორნიკე სანიკიძემ (2553), რომელიც გერმანიის ქალაქ ბადენ-ბადენში მიმდინარე საერთაშორისო ტურნირზე თამაშობს, პირველი მარცხი განიცადა და ლიდერთა ჯგუფი დატოვა.

მე-7 ტურში სანიკიძემ ერთ-ერთ უშუალო კონკურენტ რუბენ ფელგაერთან (2557) შავი ფიგურებით ითამაშა და წარუმატებლობა შეემთხვა. შედეგად, თორნიკე 5.0 ქულით მე-5 ადგილამდე დაქვეითდა, არგენტინელი კი ერთპიროვნული ლიდერი გახდა.

მე-8 ტურში ქართველი მოჭადრაკე თეთრებით რუს ალეკსანდრ კარპაჩევს (2484) დაუპირისპირდება, რომლის აქტივშიც ასევე 5.0 ქულაა. ტურის ცენტრალური პარტია ტურნირზე უმაღლესი რეიტინგის (2704) მქონე ფრანგ ეტიენ ბაკროს და ფელგაერს შორის შედგება.