ფრანგულ მარტინიკაზე დასრულდა საერთაშორისო საჭადრაკო ტურნირი, რომელშიც საქართველოს ღირსებას თორნიკე სანიკიძე (2559) იცავდა. 9 ტურის შედეგებით ჩემპიონობა უკრაინელმა სერგეი ფედორჩუკმა (2652) იზეიმა. გამარჯვებულს ნახევარი ქულით ჩამორჩნენ იანიკ პელეტიე (შვეიცარია, 2604), კრისტიან ბაუერი (საფრანგეთი, 2631) და ანტუანეტა სტეფანოვა (ბულგარეთი, 2525), ხოლო სანიკიძემ 6.5 ქულა მოაგროვა და მე-5 ადგილი დაიკავა.