შოტლანდიური “რეინჯერსის” საშინაო არენა “აიბროქსი”, უახლოეს მომავალში, სახელს შეიცვლის და მას “Sports Direct” დაერქმევა.

როგორც ცნობილია, შოტლანდიის მე-3 დივიზიონამდე დაქვეითებულ “რეინჯერსს” სერიოზული ფინანსური პრობლემები აქვს. ამ პრობლემის ნაწილობრივ გამოსასწორებლად, გლაზგოელებმა სპორტული პროდუქციის მწარმოებელ კომპანია Sports Direct-თან თანამშრომლობა და ამ კომპანიისთვის სტადიონის სახელის მიყიდვა გადაწყვიტეს. STV-ს ცნობით, “რეინჯერსის” აღმასრულებელმა დირექტორმა, ჩარლზ გრინმა დაადასტურა, რომ გარიგება უახლოეს მომავალში გაფორმდება.

ცნობისთვის, Sports Direct-ის აქციების საკონტროლო პაკეტის მფლობელი მაიკ ელშია, რომელსაც წილი “რეინჯერსშიც” აქვს.