საქართველოს, უკვე წლებია, დიდ ოლიმპიურ ოჯახში ღირსეული ადგილი უჭირავს და ამიტომაც გასაკვირი არ არის, რომ ღონისძიებაზე მიწვეულ სტუმრებს შორის იყო საქართველოს ეროვნული ოლიმპიური კომიტეტის პრეზიდენტი ლერი ხაბელოვი.
იტალიის დედაქალაქში გამართულ ღონისძიებებს დაესწრო საერთაშორისო ოლიმპიური კომიტეტის პრეზიდენტი თომას ბახი, რომელიც ფარიკაობაში 1976 წლის ზაფხულის ოლიმპიური თამაშების ჩემპიონია. ნიშანდობლივია, რომ გერმანიის ნაკრებმა ფინალში სწორედ იტალიელ მუშკეტერებს აჯობა.
“დღესაც თვალნათლივ მახსოვს ის დაპირისპირება. იტალიურ სპორტზე ახალს ვერაფერს ვიტყვი. მას მსოფლიოში გამორჩეული ადგილი უჭირავს. რაც შეეხება ჩONI-ს, გადაუჭარბებლად შემიძლია განვაცხადო, რომ იგი ბევრი ქვეყნის ოლიმპიური კომიტეტისთვის მისაბაძია. მინდა გულწრფელად მივულოცო 100 წლის იუბილე არა მხოლოდ CONI-ს ამჟამინდელ პრეზიდენტს ჯოვანი მალაგოს, არამედ ისტორიის მანძილზე ამ ორგანიზაციის ყოფილ თავკაცებს, ხოლო ვინც ამქვეყნად აღარ არის, მათ შთამომავლობას” – აღნიშნა თომას ბახმა.
სეოკ-ის პრეზიდენტმა ლერი ხაბელოვმა, თავის იტალიელ კოლეგას საჩუქრად ცნობილი ქართველი მოქანდაკის, ლევან ვარდოსანიძის სკულპტურა “ოლიმპიური ალი” გადასცა.
www.geonoc.org.ge
