მიუნხენის “ბაიერნის” ოფიციალური ვებგვერდის ცნობით, ფილიპ ლამისა და მანუელ ნოიერის მსოფლიოს ჩემპიონატზე თამაშს საფრთხე არ ემუქრება.

ლამმა და ნოიერმა ტრავმები გერმანიის თასის ფინალში, “დორტმუნდთან” გამართულ შეხვედრაში მიიღეს.

გერმანელმა ფეხბურთელებმა სამედიცინო შემოწმება ექიმს ჰანს-ვილჰელმ მიულერ-ვოლფარტთან გაიარეს. გაირკვა, რომ სერიოზული დაზიანება არცერთ მათგანს არ აქვს და ისინი გერმანიის ნაკრებს 11-დღიან შეკრებაზე გაჰყვებიან.