მადრიდის “ატლეტიკოს” კარის დარაჯი ტიბო კურტუა ქალაქური დერბის წინ ოპტიმისტურადაა განწყობილი და აცხადებს, რომ მის გუნდს “რეალის” ზედიზედ მეორედ დამარცხება შეუძლია.

“შესანიშნავი გუნდი გვყავს, რომელსაც სათავეში კვალიფიციური მთავარი მწვრთნელი უდგას. ვიცით, როგორ უნდა დავამარცხოთ “რეალი”.

ეს თამაში მეტია, ვიდრე უბრალოდ 3 ქულა. ის ნამდვილი ფინალის ტოლფასია.

შევინარჩუნებთ თუ არა ამჟამინდელ ფორმას სეზონის ბოლომდე? წინ კიდევ არაერთი მატჩია და შესაძლოა ბევრი რამ მოხდეს. იმედი მაქვს, ყველაფერი უმტკინვეულოდ ჩაივლის. ჩვენს გუნდს ბევრი რამ შეუძლია.” – ციტირებს კურტუას სიტყვებს Gოალ-ი.

“რეალი” და “ატლეტიკო” ერთმანეთს 28 სექტემბერს, “სანტიაგო ბერნაბეუზე” დაუპირისპირდებიან. სწორედ ამ სტადიონზე, ესპანეთის თასის გასული გათამაშების ფინალში, “ატლეტიკომ” “რეალი” 2:1 დაამარცხა.