ფეხბურთი

21:03 | 10.05.2014 | ნანახია [] - ჯერ

“კობის” გაცილება

ლევან კობიაშვილმა ბოლო მატჩი ჩაატარა გერმანულ ბუნდესლიგაში და საერთოდ, პროფესიონალურ კარიერაში. ეს იყო “ჰერტა”-“დორტმუნდის” მატჩში, რომლის დაწყების წინ ბერლინელმა ფანებმა და ორივე გუნდის ფეხბურთელებმა დიდი ოვაცია მოუწყვეს 36 წლის ქართველს. “ჰერტას” გენერალურმა დირექტორმა მიხაელ პრეეტცმა ლევანს “ჰერტას” 3-ნომრიანი მაისურა აჩუქა და თაიგულიც გადასცეს.

კობიაშვილი სასტარტოში იყო “დორტმუნდთან” და 67-ე წუთზე შეცვალეს, როცა ბერლინელები 0:2-ს აგებდნენ. საბოლოოდ კი, მატჩი 0:4 დასრულდა.

ბუნდესლიგაში 351 მატჩი და 32 გოლი, ხოლო მთლიანად პროფესიულ კარიერაში 772 მატჩი და 82 გოლი. სხვა ყველაფერს რომ თავი დავანებოთ, მარტო სტატისტიკა მეტყველებს მის მაღალ დონეზე.

კობიაშვილი ყოველთვის მისაბაძი ფეხბურთელი და პიროვნება იყო ახალგაზრდებისთვის. ის ერთადერთია, რომელსაც 100 მატჩი შეუსრულებია ეროვნულ ნაკრებში და ალბათ, სანაკრებო ისტორიაში ყველაზე მნიშვნელოვანი და სასიხარულო გოლიც მას აქვს გატანილი: გავიხსენოთ ხორვატიასთან 1:0 მოგება, ბოლო წუთი...

კობიაშვილი უახლოეს პერიოდში საქართველოში ჩამოვა და ქართული ფეხბურთის განვითარებისთვის სხვა ამპლუაში იზრუნებს, ოღონდ, ჯერ თავად არ აკონკრეტებს და დაველოდოთ.

0.11396