დანიის ეროვნული ნაკრების ცენტრალური მცველი სიმონ კიაერი დღეს ან ხვალ ფრანგულ “ლილთან” კონტრაქტს გააფორმებს.
L’Equipe-ის ინფორმაციით, 24 წლის ფეხბურთელი უკვე საფრანგეთშია, სამედიცინო შემოწმებას გადის და თუ ყველაფერი წესრიგში იქნება, ოთხწლიანი კონტრაქტი გაფორმდება.
კიაერი “ვოლფსბურგის” საკუთრებაა და გასულ სეზონში ბუნდესლიგის 22 მატჩში 2 გოლი გაიტანა. მას გერმანულ კლუბთან მოქმედი კონტრაქტი ერთი წლის შემდეგ ეწურება და გუნდის გამოცვლის სურვილიც თავად გამოთქვა. ფრანგებს ეს ტრანსფერი 2 მილიონი ევრო დაუჯდებათ.
