დანიელმა ჩოგბურთელმა კაროლინ ვოზნიაცკიმ მუსიკალური კომპოზიცია ჩაწერა. 21 წლის სპორტსმენის სინგლიდან შემოსული თანხა პოლონურ და დანიურ პარაოლიმპიურ ნაკრებებს მოხმარდება.
“რამდენიმე დღე პოლონეთში დავყავი საქმეებზე – ვიდეორგოლს ვიღებდი საქველმოქმედო სიმღერაზე, რომელიც თავად ჩავწერე”, - თქვა კარომ.
ყოფილ პირველ ჩოგანს ამ კვირაში ჩარლსტონში თავისი შარშანდელი ტიტული უნდა დაეცვა, თუმცა ვოზნიაცკიმ გადაწყვიტა, პაუზა აეღო და დაესვენა. კაროლინა, რომელიც ამჟამად რეიტინგსიაში მე-6 ადგილზე იმყოფება, ასპარეზობას მშობლიურ ტურნირზე - კოპენჰაგენში განაახლებს.