ფრანგული ტოპ-14-ის წევრი “მონპელიე“ ჩემპიონატის მეორე მატჩს შინ ჩაატარებს. 20 აგვისტოს, ქართველი მორაგბეების გუნდს ივ დე მანუარის არენაზე დედაქალაქური “რასინ-მეტრო“ ესტუმრება.
კლუბის ხელმძღვანელობამ თამაშისთვის 23-კაციანი სია გამოაქვეყნა, სადაც სამი ქართველი ლეგიონერი მოხვდა. “ბიარიცთან“ პირველ წრეში განცდილი მარცხის შემდეგ, მწვრთნელებმა ფაბიენ გალტიემა და ერიკ ბეშუმ 23-კაციან სიაში გიორგი ჟღენტი შეიყვანეს, რომელსაც გასულ კვირას “ბიარიცთან” წაგებულ (22:30) მატჩში არ უთამაშია.
ხვალ გასამართი შეხვედრისთვის, განაცხადში არიან მამუკა გორგოძე და გოდერძი შველიძეც. სამწუხაროდ, შემადგენლობაში არ ფიგურირებს გიორგი ჩხაიძე. სავარაუდოა, რომ “ბინგოს” ყოფილ თანაგუნდელებთან შერკინება მეორე წრეში მოწევს.