მილანის “ინტერს”, ლონდონის “არსენალის” ბელგიელი მცველის, თომას ვერმალენის შეძენა სურს. იტალიური მედია არ გამორიცხავს, რომ ეს გარიგება ზამთრის სატრანსფერო ფანჯრის დროს განხორციელდეს.

მიმდინარე სეზონში, 27 წლის ვერმალენს თამაში პრაქტიკულად არ უწევს, რასაც სტატისტიკაც ადასტურებს. მან მხოლოდ 3 მატჩი ჩაატარა. შესაბამისად, ბელგიელმა გუნდის შეცვლა რომ მოინდომოს, გასაკვირი არაა. ვერმალენი “არსენალში” 2009 წლიდან გამოდის და 132 მატჩში 15 გოლი გაიტანა.