ფეხბურთი

15:16 | 25.04.2014 | ნანახია [] - ჯერ

ინიესტა: “ბარსელონა" მესის მსგავს ფეხბურთელს ვერ იპოვის”

კატალონიის "ბარსელონას" ნახევარმცველმა ანდრეს ინიესტამ ჟურნალისტების კითხვებს უპასუხა. ესპანელმა ბევრ თემაზე გააკეთა კომენტარი, მათ შორის: ლიონელ მესიზე, კლუბის წარუმატებლობაზე და ფიფას გადაწყვეტილებაზე.

_ ასე თუ ისე, კლუბის წარუმატებლობა ფეხბურთელების ბრალია...

_ ფეხბურთელები მოედანზე სათამაშოდ გადიან, მაგრამ სულ მოგება რთულია, ამას ყოველთვის ვამბობდი. რა თქმა უნდა, ვათვითცნობიერებთ პასუხისმგებლობას.

_ რას იტყვით მესიზე?

_ მესის შესახებ ორი აზრი არ არსებობს, ის საუკეთესოა და კლუბი მისნაირ ფეხბურთელს ვერ იპოვის. იმედია, მხარეები მალე შეთანხმდებიან ახალ კონტრაქტზე.

_ როგორ შეაფასებთ ჩემპიონატს და თქვენ სიტუაციას?

_ პრიმერა დივიზიონში შემდეგი 4 თამაშის მოგებით შანსი კიდევ გაგვაჩნია, თუმცა ძალიან ცუდი ფაქტია ის, რომ სხვაზე ვართ დამოკიდებულები. წარუმატებლობამ ამ სეზონში ცოტათი ხასიათი გაგვიფუჭა, თუმცა ყოველთვის მოგება შეუძლებელია. ყოველ სეზონს ვაანალიზებთ და იმედი მაქვს, ხარვეზების აღმოსაფხვრელად საჭირო დასკვნებს აუცილებლად გამოვიტანთ.

_ ფიფამ "ბარსელონას" სანქცია მოუხსნა...

_ კარგია, ფიფამ ჩვენი თხოვნა უყურადღებოდ არ დატოვა და კლუბს ტრანსფერების უფლება მისცა. მნიშვნელობა არ აქვს რამდენი ტიტული გვაქვს მოპოვებული, "ბარსელონას" ყოველთვის სჭირდება განახლება და გაუმჯობესება.

_ რას იტყვით ჩემპიონთა ლიგაზე და მომავალ მსოფლიო ჩემპიონატზე?

_ ჩემპიონთა ლიგაზე "ატლეტიკოს" თამაში დასაფასებელია, მადრიდელებმა შეიძლება კიდევ ბევრი სიურპრიზი შემოგვთავაზონ. რაც შეეხება მსოფლიო ჩემპიონატს, მოუთმენლად ველით ბრაზილიაში ჩასვლას და ტიტულის დაცვას.

გიორგი ბალახაძე

0.15212