უცნაური შემთხვევა მოხდა რუსეთის ჩემპიონატის მე-4 ტურის “ვოლგა” – “ზენიტის” მატჩში (1:3). 27-ე წუთზე, როცა ანგარიში 1:1 იყო, არბიტრმა ევგენი ტურბინმა, პეტერბურგელ ჰალკს მეორე ყვითელი ბარათი უჩვენა, რადგან მიიჩნია, რომ ბრაზილიელმა საჯარიმო დარტყმა მსაჯის სასტვენამდე შეასრულა. თუმცა, ვიდეოგამეორებაზე ჩანს, რომ საჯარიმო რომან შიროკოვმა დაარტყა. ამ ეპიზოდამდე 3 წუთით ადრე, ტურბინმა ჰალკი მასთან შეკამათებისთვის პირველად გააფრთხილა. აღშფოთებული ჰალკი არბიტრს დაახლოებით 6 წუთს ეკამათებოდა, თუმცა მოედნის დატოვება მაინც მოუხდა.