ქართველმა მოჭადრაკე თამაზ გელაშვილმა (2611), ჩიკაგოს საერთაშორისო ტურნირის რვა ტური წაუგებლად განვლო, დასკვნით მე-9 ტურში კი, მარცხი განიცადა და 6.5 ქულით მეხუთე ადგილი დაიკავა, რისთვისაც საპრიზო 100 ათასიდან 1000 დოლარი მიიღო.
გელაშვილს ნახევარი ქულით ჩამორჩა “ჩიკაგო ოუფენის” ორგზის გამარჯვებული გიორგი ყაჭეიშვილი (2599), რომელიც 6.0 ქულით მეთერთმეტე პოზიციაზე გავიდა.
ტურნირის გამარჯვებული უზბეკი ტიმურ გარეიევი (2610) გახდა, რომელმაც თავი 7.5 ქულას მოუყარა, მეორე-მესამე ადგილებზე კი, 7-7 ქულით, ინდოელი პენტალა ჰარიკრიშნა (2666) და ამერიკელი რობერტ ჰესი (2601) გავიდნენ.