შვეიცარიის ქალაქ ციურიხში დასრულებულ საერთაშორისო ტურნირზე მოასპარეზე ქართველმა მოჭადრაკე მერაბ გაგუნაშვილმა (2619) 7 ტურში 5.0 ქულა მოაგროვა და დამატებითი მაჩვენებლებით მე-8 ადგილი დაიკავა. გაგუნაშვილმა ბოლო ტურში თეთრი ფიგურებით შვეიცარიელი როჯერ გლოორი (2221) დაამარცხა და ტურნირის ჩემპიონ გეორგ მეიერს (2656) ნახევარი ქულით ჩამორჩა. გერმანიის სახელით მოთამაშე დავით ბარამიძე ბოლო ტურში შვეიცარიელ იანიკ პელეტიეს (2583) დაუზავდა და 5.0 ქულით მე-3 საფეხურზე დარჩა, არადა, გამარჯების შემთხვევაში, პირველ ადგილზე გადიოდა.