როჯერ ფედერერისა და მიხაილ იუჟნის შეხვედრათა ისტორია საწყისს 2000 წლიდან იღებს. შვეიცარიელი და დიდოსტატი და რუსი მოთამაშე ერთმანეთს პირველად სტოკჰოლმში შეხვდნენ და როჯერმა დამაჯერებელი გამარჯვება მოიპოვა. მას შემდეგ მოყოლებული ფედერერი და იუჟნი კიდევ 12-ჯერ დაუპირისპირდნენ ერთურთს (შარშან უიმბლდონზეც) და ყოველი მათი შეხვედრა შვეიცარიელის მოგებით სრულდებოდა. დამკვიდრებული ტრადიცია არც დღევანდელ მეოთხედფინალური მატჩში დარღვეულა. ცენტრალურ კორტზე ჩატარებულ პაექრობაში როჯერ ფედერერმა (3) შანსი არ დაუტოვა მიხაილ იუჟნის (26) და სამივე სეტი დიდი უპირატესობით, დამაჯერებლად მოუგო 6:1, 6:2, 6:2. მატჩი საათსა და 52 წუთს გაგრძელდა, რომლის დროსაც 30 წლის როჯერმა 2 ეისი განახორციელა. სადიდსლემო ტურნირების 16-გზის ჩემპიონი შვეიცარიელი კიდევ ერთხელ გავიდა უიმბლდონის ტურნირის ნახევარფინალში და ამ ეტაპზე პლანეტის რეიტინგსიის პირველი ნომერ ნოვაკ ჯოკოვიჩთან მოუწევს შებმა. ფედერერის სამეოთხედფინალო მატჩმა დიდი ინტერესი გამოიწვია. მრავალრიცხოვან მაყურებელთან ერთად შეხვედრას დიდი ბრიტანეთის უფლისწული უილიამი მეუღლე კატერინასთან ერთად დაესწრო. მატჩს უშუალოდ ტრიბუნუდან მიადევნა თვალი ლეგენდარულმა საჩოგბურთო წყვილმა, ანდრე აგასი-შტეფი გრაფი, მიადევნა თვალი.