საკალათბურთო ევროთასის ოფიციალურ ვებ-გვერდზე იმ 29 გუნდის ჩამონათვალი გამოქვეყნდა, რომლებიც ტურნირში 2014-15 წლების სეზონში ითამაშებენ. სულ, მომავალ შეჯიბრში 36 გუნდი უნდა ჩაებას, მათგან შვიდის ვინაობა კი ევროლიგის საკვალიფიკაციო ეტაპის დასრულების შემდეგ გაირკვევა.

აღნიშნული 29 გუნდის ნუსხა ასე გამოიყურება: ხიმკი (რუსეთი), ტრიუმფი (რუსეთი), ლოკომოტივ-ყუბანი (რუსეთი), კრასნი ოკტიაბრი (რუსეთი), არტლანდი (გერმანია), ბანვითი (თურქეთი), ბეშიქთაში (თურქეთი), შალერუა (ბელგია), ბიზონსი (ფინეთი), ბამბერგი (გერმანია), ბუდუჩნოსტი (ჩერნოგორია), სარაგოსა (ესპანეთი), კახასოლი (ესპანეთი), პლოეშტი (რუმინეთი), ოლდენბურგი (გერმანია), რეჯო ემილია (იტალია), გრან კანარია (ესპანეთი), დიჟონი (საფრანგეთი), ლიეტუვოს რიტასი (ლიტვა), კანტუ (იტალია), პაოკ (საბერძნეთი), პარი ლევალუა (საფრანგეთი), პარტიზანი (სერბეთი), ქარშიაქა (თურქეთი), ნანსი (საფრანგეთი), ტელეკომი (გერმანია), ოლიმპია (სლოვენია), ვენტსპილსი (ლატვია), ვირტუსი (იტალია).

ისიც ვთქვათ, რომ ევროლიგის კვალიფიკაციაში 8 გუნდი ითამაშებს: ასველი, სტრასბური (ორივე – საფრანგეთი), ნიმბურკი (ჩეხეთი), ჰაპოელ იერუსალიმი (ისრაელი), ლევსკი (ბულგარეთი), სტელმეტი (პოლონეთი), ოსტენდე (ბელგია), უნიქსი (რუსეთი).