ძაგნიძემ მსოფლიოს ექსჩემპიონი 18 სვლაში დაამარცხა

ჭადრაკი

19:06 | 1.03.2011 | ნანახია [] - ჯერ

3e9cb4bb-1996-4602-9082-5594a310e635jpg

ქართველმა მოჭადრაკე ნანა ძაგნიძემ (რეიტინგი 2550) მსოფლიოს ექსჩემპიონ ბულგარელ ანტუანეტა სტეფანოვას (2546) შავი ფიგურებით შანსი არ დაუტოვა და უკვე მე-18 სვლაზე გამარჯვება იზეიმა. აღნიშნული, ყატარის დედაქალაქ დოჰაში მოხდა, სადაც ფიდე-ს ქალთა გრან-პრის დასკვნით ეტაპზე, მსოფლიოს ჩემპიონის ტიტულისთვის ბრძოლაში ჩინელი იიფან ჰოუს მეტოქე ირკვევა.
ცნობისთვის, ძაგნიძე აღნიშნული საგზურის მოპოვების რეალური კანდიდატია, მისი ერთადერთი კონკურენტი კი ინდოელი ჰუმპი კონერუ (2607) გახლავთ, რომელმაც თავის მხრივ ასევე შავებით, მონღოლ ბატხუაიგ მუნგუნტაალს (2410) აჯობა.
მორიგი წარმატების შემდეგ, ძაგნიძის აქტივში 4.0 ქულაა და იგი მე-5 ადგილზე იმყოფება, კვალში კი მას 3.5 ქულით მსოფლიოს მრავალგზის ჩემპიონი მაია ჩიბურდანიძე (2502) უდგას, რომელმაც ბოლო ტურში თეთრი ფიგურებით ეკვადორელ მარტა ფიერო ბაკეროს (2363) სძლია.
ტურნირის ერთპიროვნული ლიდერი სომეხი ელინა დანიელიანი (2454) გახლავთ, რომელიც ყატარულ ეტაპს საოცარ ფორმაში შეხვდა და 7 ტურის თავზე კი 6.5 ქულა გააჩნია. ფრანგ მარი სებაგს (2489) 5.0 ქულით მე-2 პოზიცია უკავია, ხოლო ხსენებული კონერუ, რომლის შედეგებსაც ქართველი გულშემატკივარისთვის გამორჩეული მნიშვნელობა აქვს, 4.5 ქულით მესამეა.
ცნობისთვის, ინდოელი მსოფლიოს ჩემპიონის ტიტულისთვის ბრძოლის უფლებას იმ შემთხვევაში მიიღებს, თუკი დოჰას ტურნირს მოიგებს, ხოლო ძაგნიძე მეორე-მესამე ადგილები გაიყოფს ან უფრო დაბლა აღმოჩნდება. ნანატრი საგზური კონერუს რჩება პირველი-მეორე პოზიციების გაყოფის შემთხვევაშიც, ოღონდ ამ დროს ნანა უკვე მესამე-მეოთხე ადგილებზე ან უფრო ქვევით უნდა დარჩეს.
ექვსი ეტაპის ჯამში პირველობის გაცილებით კარგი შანსი აქვს ქართველ მოჭადრაკეს. ძაგნიძეს ნებისმიერი შედეგი აწყობს, თუკი კონერუ პირველ-მესამე ადგილებს გაიყოფს ანაც მე-2 პოზიციაზე ან უფრო დაბალ ადგილზე გავა.
შეგახსენებთ, რომ ამ დროისთვის საერთო ჩათვლაში 410 ქულით იფანი ლიდერობს, ძაგნიძე 390 ქულით მეორეა, ხოლო მის მდევარ კონერუს 323.30 ქულა გააჩნია. სხვა მოჭადრაკეები ქართველისა და ინდოელის დავაში ვეღარ ჩაერევიან. დასკვნითი ეტაპის მოგებისთვის 160 ქულაა გათვალისწინებული, შემდეგ კი ქულები ასე ნაწილდება: 2 – 130, 3 – 110, 4 – 90, 5 – 80, 6 – 70, 7 – 60, 8 – 50, 9 – 40, 10 – 30, 11 – 20, 12 – 10.

მე-7 ტური

SNo.			Rtg				Rtg	SNo.
4	GM	ანტუანეტა სტეფანოვა	2546	0 - 1	GM	ნანა ძაგნიძე	2550	12
5	GM	მარი სებაგი	2489	1 - 0	GM	პია კრამლინგი	2516	3
6	GM	მაია ჩიბურდანიძე	2502	1 - 0	IM	მარტა ფიერო ბაკერო	2363	2
7	IM	ბატხუაიგ მუნგუნტუული	2410	0 - 1	GM	ჰუმპი კონერუ	2607	1
8	GM	ელინა დანიელიანი	2454	1 - 0	GM	ჩენ ჟუ	2495	11
9	GM	იუჰუა ქსუ	2484	0 - 1	IM	ლილიტ მკრტჩიანი	2475	10

სატურნირო მდგომარეობა 7 ტურის შემდეგ

Rank	SNo.			Rtg	FED	1	2	3	4	5	6	7	8	9	10	11	12	Pts	Res.	SB
1	8	GM	ელინა დანიელიანი	2454	ARM	*	1			1	1	½		1	1	1		6½	0	20.50
2	5	GM	მარი სებაგი	2489	FRA	0	*	½	1			½	1		1	1		5	0	14.75
3	1	GM	ჰუმპი კონერუ	2607	IND		½	*	½	0	1		1	1			½	4½	0	14.50
4	3	GM	პია კრამლინგი	2516	SWE		0	½	*	1		½	½		½		1	4	1	12.25
5	12	GM	ნანა ძაგნიძე	2550	GEO	0		1	0	*			0	1		1	1	4	0	11.00
6	6	GM	მაია ჩიბურდანიძე	2502	GEO	0		0			*	1	1	0	½	1		3½	0	9.00
7	10	IM	ლილიტ მკრტჩიანი	2475	ARM	½	½		½		0	*		½		1	0	3	0	11.00
8	2	IM	მარტა ფიერო ბაკერო	2363	ECU		0	0	½	1	0		*		1		½	3	0	9.00
9	7	IM	ბატხუაიგ მუნგუნტუული	2410	MGL	0		0		0	1	½		*	1	0		2½	0	7.00
10	11	GM	ჩენ ჟუ	2495	QAT	0	0		½		½		0	0	*		1	2	1	5.75
11	9	GM	იუჰუა ქსუ	2484	CHN	0	0			0	0	0		1		*	1	2	1	4.50
12	4	GM	ანტუანეტა სტეფანოვა	2546	BUL			½	0	0		1	½		0	0	*	2	0	6.75

მე-8 ტური

SNo.			Rtg				Rtg	SNo.
12	GM	ნანა ძაგნიძე	2550	-	IM	ლილიტ მკრტჩიანი	2475	10
11	GM	ჩენ ჟუ	2495	-	GM	იუჰუა ქსუ	2484	9
1	GM	ჰუმპი კონერუ	2607	-	GM	ელინა დანიელიანი	2454	8
2	IM	მარტა ფიერო ბაკერო	2363	-	IM	ბატხუაიგ მუნგუნტუული	2410	7
3	GM	პია კრამლინგი	2516	-	GM	მაია ჩიბურდანიძე	2502	6
4	GM	ანტუანეტა სტეფანოვა	2546	-	GM	მარი სებაგი	2489	5

სარეკლამო ადგილი - 40
710 x 400