საქართველოს ფეხბურთელთა ეროვნული ნაკრების თავდამსხმელმა ლადო დვალიშვილმა დანიაში სამუშაო ვიზა მიიღო. ამის შესახებ “ოდენსეს” ოფიციალური ვებგვერდი იუწყება.
დვალიშვილმა “ოდენსესთან” 2-წლიანი კონტრაქტი ერთი კვირის წინ გააფორმა. თუმცა, სამუშაო ვიზის არქონის გამო, დანიის სუპერლიგის განვლილ ტურში “რანდერსთან” 2:0 მოგებული მატჩი გამოტოვა.
ახლა მას ყველა საბუთი წესრიგში აქვს და “ოდენსეში” სრულფასოვნად ვარჯიშის გარდა, დანიის ჩემპიონატში თამაშიც შეუძლია.
