თბილისის ჭადრაკის სასახლეში ასპარეზობა დაიწყეს 8 და 14 წლიანმა მოჭადრაკეებმა. საქართველოს ჩემპიონატში I-II ადგილებზე გასული მონაწილეები მსოფლიოს და ევროპის ჩემპიონატების საგზურებს მიიღებენ. გამარჯვებული თავად აირჩევს თუ სად სურს თამაში – მსოფლიოზე თუ ევროპაზე.

ცნობისთვის, მსოფლიოს ჩემპიონატს არაბთა  გაერთიანებული ემირატების ქალაქი ელ-აინი უმასპინძლებს,  ევროპის ჩემპიონატი კი, სტარტს მონტენეგროს ქალაქ ბუდვაში 28 სექტემბრიდან აიღებს.

3 ტურის თავზე 14-წლამდე გოგონათა ტურნირს ქულათა მაქსიმუმით ნინო ჯალაღონია (1674) და თეა ჭოლაძე (1624) ლიდერობენ, ვაჟებში კი ერთპიროვნულად ნიკოლოზ ცომაია (1762) დაწინაურდა.

8-წლამდე გოგონებში 3-3 ქულით წინ ლილე გუმბერიძე და თამარ ტასოშვილი გაიჭრნენ, ხოლო ვაჟებში ქულათა მაქსიმუმი ერთბაშად ოთხ მოჭადრაკეს აქვს – ლევან დალბაშვილს, გიორგი ხატაშვილს, თამაზ გილაშვილს და საბა ლომსაძეს.